chhota hai, legalese nahi hai. 2 minute lagenge.
hum tumse koi naam, email, ya phone number nahi maangte, aur tumhara IP address kabhi store nahi hota.
spam rokne ke liye sirf ek salted hash rakha jaata hai jo har din badal jaata hai — usse wapas tum tak pahunchna namumkin hai. matlab: hum khud bhi nahi bata sakte ki kaunsa secret kisne likha.
kisi ka pura naam + phone/address/social handle daal ke expose karna (doxxing), dhamki, harassment, hate speech, ya kisi pehchane jaane waale insaan ke baare mein sexual content — seedha reject.
spam, promotion, "followers kharido" type cheezein bhi reject. wall feelings ke liye hai, marketing ke liye nahi.
har secret ek asli insaan review karta hai, uske baad hi wall pe aata hai. hum bina reason bataye kuch bhi reject ya baad mein unpublish kar sakte hain — final call humesha team ki.
reject hue secrets 30 din tak rakhe jaate hain (spam patterns pakadne ke liye), phir hamesha ke liye delete.
agar wall pe koi confession tumhe identify karti hai aur tum chahte ho ki woh hate, humein likho — hum jaldi se jaldi utaar denge. sawaal nahi puchhenge.
contact: hello@khusarphusar.com
ye ek free, as-is platform hai — koi guarantee nahi ki wall hamesha up rahegi ya tumhara secret approve hoga.
yahan likha hua content logon ke personal feelings hain, platform ki raay nahi. terms kabhi bhi update ho sakte hain; badi change hui toh yahi page batayega.
sab clear? toh likho phir →